Талас райондук ички иштер бөлүмү берген сунуштун негизинде Шумкар-Уя айыл өкмөтү тарабынан 26 видеокөзөмөл камералары орнотулду.

- 5 мектепке 12 видеокамера;

- 2 бала бакчага 4 видеокамера;

- 4 мечитке 8 видеокамера;

- Айыл өкмөттүн имаратына жана калкты тейлөө борборуна 2 видеокамера коюлду.

Видеокамералар Талас ОИИБдин Санарип кырдаал борборуна тутатыштырылды. Алар 360 градуска айланып, адамды жүзүнөн тааный алат.

Аймактагы коомдук коопсуздукту күчөтүүгө багытталган бул демилге айыл өкмөт башчы Бакыт Кыдыралиев , айылдык кеңештин төрагасы Алтынбек Борукеев баштаган депутаттардын колдоосу менен биргеликте ишке ашырылды.