Спортто ийгилик жаратып, Кыргызстандын намысын дүйнөлүк аренада коргоп келаткан жаш балбандарыбызды куттуктайбыз!

Кеңешов Абдыкерим — Эстониянын Раквер шаарында өткөн өспүрүмдөр арасындагы грек-рим күрөшү боюнча эл аралык мелдеште коло медалга ээ болду. Ошондой эле Норвегиянын Осло шаарында өткөн эл аралык турнирде 35 кг салмак категориясында жеңүүчү аталды!

Жолчубеков Алинур — Эстониянын Раквер шаарындагы өспүрүмдөр арасындагы эл аралык мелдеште 29 кг салмакта күмүш медаль тагынды. Ал эми Норвегиянын Осло шаарындагы эл аралык мелдеште жеңүүчү болду!

Оторбаев Нуркелди — 90 кг салмакта белбоо күрөшү боюнча Азия чемпиондугунун жеңүүчүсү болуп, чоң жетишкендикке жетти!

Бул жаш балбандарыбызды чын жүрөктөн ийгиликтери менен куттуктайбыз!

Спортчуларыбыздын ийгилигинде зор эмгеги бар машыктыруучу Насир уулу Бексултанга терең ыраазычылык билдиребиз жана мындан аркы ишине ийгиликтерди каалайбыз.

Ошондой эле аймактагы спорттун өнүгүшүнө жана жаш спортчуларды колдоого чоң салым кошуп жаткан айыл өкмөт башчысы Бакыи Кыдыралиевге жана жергиликтүү депутаттарга терең ыраазычылык билдиребиз.