Урматтуу мекендештер!

Сиздерди 3-март – Кыргыз Республикасынын Мамлекеттик Туу күнү менен чын жүрөктөн куттуктайм!

Кыргыз туусу – эгемендигибиздин, биримдигибиздин жана эркиндигибиздин символу. Бул ыйык туубуз биздин мамлекеттүүлүгүбүздү даңазалап, дүйнө жүзүндө Кыргызстан деген касиеттүү өлкө бар экенин тастыктап келет. Ал биздин ар-намысыбыздын, келечекке болгон ишенимибиздин белгиси.

Ар бир жараныбыз желбиреген туубузду көргөндө мекенге болгон сүйүүсү артып, аны бийик көтөрүп, ата-бабалардын мурасын урматтоо сезими менен жашаса – бул биздин эң чоң жетишкендигибиз болот.

Ушул улуу күнү өлкөбүзгө тынчтык, элибизге бакубат жашоо, ыйык туубуз ар дайым бийикте желбирей беришин каалайм! Кыргызстаныбыз өнүгүп-өсүп, ар бир жараныбыздын жүзүнөн кубаныч кетпесин!

Мамлекеттик туубуз ар дайым бийикте желбирей берсин!

Урматтоо менен,

Шумкар-Уя айыл аймагынын айыл өкмөт башчысы Бакыт Кыдыралиев