Бүгүн, Шумкар-Уя айыл аймагында кеңири масштабдагы жалпы ишембилик уюштурулду. Тазалык акциясына айыл өкмөтүнүн кызматкерлери, муниципалдык ишканалардын жамааты жана ар түрдүү мекеме-уюмдардын өкүлдөрү активдүү катышып, айлана-чөйрөнү көрктөндүрүүгө өз салымдарын кошушту.
Мындан тышкары, аймактагы 6 айылдын тургундары да четте калбастан, жашаган аймактарын тазалап, ирээтке келтиришти.
Биримдик, жоопкерчилик жана тазалыкка болгон камкордуктун аркасында айыл аймак көркүнө чыкты.