Шумкар-Уя айыл өкмөтүнүн демилгеси жана айылдык кеңештин депутаттарынын колдоосу менен “Шумкар Суу” муниципалдык ишканасына 6 даана желмаян тапшырылды. Аталган техникалар айыл өкмөтүнүн жергиликтүү бюджетинин эсебинен каржыланып алынды.
Бул транспорт каражаттары ишкананын сантехник жана техникалык кызматкерлеринин ыкчам иш алып баруусуна чоң жардам берет. Айрыкча, суу түтүктөрүндөгү авариялык кырдаалдарга тез жетип, маселелерди өз убагында чечүүгө шарт түзүлөт.
Белгилей кетсек, “Шумкар Суу” муниципалдык ишканасы аймактагы 6 айылга кызмат көрсөтөт. Жаңы техникалардын берилиши менен калкка көрсөтүлгөн кызматтын сапаты жакшырып, тейлөө иштери дагы да ыкчам жана натыйжалуу болоору күтүлүүдө.
Бул колдоо айыл элинин турмуш шартын жакшыртууга жана инфраструктураны өнүктүрүүгө багытталган маанилүү кадамдардын бири